കൊഴിഞ്ഞു പോകുന്ന ചില നേരങ്ങൾ

അജ്ഞാതമായ ഒരിടത്തിലെ
ഉച്ചയിൽ
നിഴലുകളുറങ്ങുന്ന
ഇടവഴിയിൽ
തിരക്കോന്നുമില്ലാതെ
കരിഞ്ഞു പോയിരില
വീ
    ഴു
        ന്നു . .

എന്നെ നീയറിഞ്ഞിരുന്നു
എന്ന കൊമ്പിൽനിന്നും
പൊട്ടി വീണയൊച്ചയിൽ
സ്വപ്നമെന്നെ
പു
     റ
       ത്താ
             ക്കു
                  ന്നു . .

പുലരി പെയ്യുമ്പോൾ

രാത്രി
നനുത്തു പെയ്തമഴയിൽ
ഒരു സൂര്യൻ പുലരുന്നു
ഞാൻ
ഇലയിൽ ചിരിക്കുന്ന തുള്ളിയാകുന്നു
മുറ്റം മുഴുവൻ
കുളിരായി നീ നിറയുന്നു
അകലെ
അമ്പല മണിയൊച്ചയിൽ
ഒരു ജന്മം പൂവിടുന്നു