..
മിസ്റ്റര് ഉണ്ണിക്കൊരു
മിസ്സ്ഡ് കോള് മാത്രം
'നെപ്പോളിയന്' കുപ്പി
ഉടനെത്തി
ഓണമല്ലിയോ
ഇപ്പോഴേ തുടങ്ങണ്ടേ
രണ്ടെണ്ണം വിട്ടപ്പോള്
മിസ്സാകുന്നു
ഓസ്സിയാര് പൈന്റിന്
ബീവറേജ് ക്യൂവിലെ
കുത്തിയിരുപ്പ്
വരണ്ട വെയില്പ്പാടിലെന്നോ പൊട്ടിപ്പുറപ്പെട്ട് ഇല്ലിപ്പടര്പ്പുകളില് തങ്ങി ഇളംകാറ്റില് പൊങ്ങി ഇലകൊഴിഞ്ഞ ചില്ലകളിലെവിടെയോ തട്ടി.വേനലിന്റെ ഓര്മ്മകള് നേര്പ്പിച്ച് നേര്പ്പിച്ച്, ആയിരം ചിറകുകള് മുളപ്പിച്ചു.
പിന്നെ പറന്ന്, പറന്ന്..
കാറ്റിന്റെ നിശ്വാസത്തില് ഒരു താഴ്വാരം താഴ്ന്നിറങ്ങുന്ന സ്വപ്നത്തിലായിരുന്നു ഇടിവെട്ടി മഴപെയ്തത്.
നാശം ഈ അലാറം; ഉറക്കവും പോയി!
ജനല്പ്പടിയിലെ ചാറ്റല് മഴയില് ഒരു അപ്പൂപ്പന്താടി.
തലയും വാലും
വെട്ടിമാറ്റി
കഴുകി വെടിപ്പാക്കി
പല തുണ്ടങ്ങളായരിഞ്ഞു.
രുചിഭേദത്തിനായി
പച്ചക്കുരുമുളകരച്ചു
പുരട്ടി.
വറവിന് ഇനിയും
ദൂ ര മേ റെ.
ചില വേദനകള്
എരിയുന്നതിങ്ങനെയാണ്.
.jpg)
കളിയിലെപ്പോഴും കാര്യമുണ്ടാകണം
ജെറിയെപ്പോഴും പറയും.
കളികാണുന്നവര്ക്ക്
കുറച്ചുചിരിക്കാന്
കൊറിച്ചിരിക്കാന്,അതുമതി.
കളിയിലെ കളി ഞങ്ങള്ക്കല്ലേ അറിയു.
കയ്യിലത്രമേല് കുഴിച്ചു
നിറച്ചു വെച്ചൊരാ
നീര്ത്തടം
പറയാതെയറിയാതെ
തുളുമ്പിയൊഴുകി.
ആവിയായ് മറഞ്ഞാലും
വീഴല്ലേ നീ..
വീണുടയല്ലേ.
-~~-
യുദ്ധത്തിന്റെ അവസാന യാമത്തില് വിധിനടപ്പാക്കാന് ദൈവം മൂന്നു തട്ടുള്ള തുലാസ് തേടുന്നത് നീതിദേവി ഒളികണ്ണിലൂടെ കണ്ടു. പട്ടാളക്കാരനും ഒളിപ്പോരുകാരനും ഒന്നുമില്ലാത്തവനും ഒരുപോലെ തൂങ്ങുമ്പോള് എവിടെയാണ് ഭാരമെന്ന് രുധിരരുചിയില് കാറ്റ് ചൊടിച്ചു!
The Hurt Locker കാഴ്ച്ച തന്നത്
ഒന്ന്
മഞ്ഞുവീണ കടവിലെ തോണി ഒന്നുലഞ്ഞു,
കാറ്റു വന്നു വിളിക്കുന്നു, യാത്രയുണ്ട്.
രണ്ട്
ഒരു തുള്ളി സൂര്യനെ ഉള്ളിലാക്കി
പുതുപുല്ലിന് തുമ്പിലെ തേന്കണം
വറ്റല്
ഠേ..,
ഒരു വെടി
പുക, ചിറകടി.
രണ്ടു പക്ഷികളല്ല, എല്ലാം പറന്നു.
വീണത് തോക്കായിരുന്നു!
--oOo--
കാണുമ്പോഴെല്ലാം
സുഹൃത്തേ,
തോരാത്ത മഴയുടെ ചുവട്ടില്
കുട ചൂടാതെ നനഞ്ഞിരിക്കുന്നു
കുട.
കാറ്റടിച്ചിട്ടും
പനിപിടിക്കുമെന്നറിഞ്ഞിട്ടും
വാക്കിന്റെ പെരുമഴയില്
ഒലിച്ചു പോകുവാന്
ഉള്ളു കുതിര്ന്നിങ്ങനെ.
--~~~--
പുതുകവിതയില് പ്രസിദ്ധീകരിച്ചത്.
ദേരയിലെ കസിന്റെ ഫ്ലാറ്റിലെത്തിയപ്പോള്
അവധിക്കാലം കഴിഞ്ഞ്
കുഞ്ഞുലക്ഷ്മി തിരിച്ചെത്തിയിരുന്നു.
കിറ്റ്കാറ്റ് തുറക്കുന്ന കൊച്ചുസന്തോഷത്തില്
നാട്ടു വിശേഷം
'അവിടെല്ലാമിഷ്ടായി...
ന്നാലും ഈ കാക്കകള് രാവിലെ കരയുന്നത്..
..ഉറങ്ങാനും പറ്റൂലാ.'
വര്ഷങ്ങള്ക്ക് മുന്പ്
പ്രവാസത്തിന്റെ ആദ്യ പുലരിയില്
താന് കാതോര്ത്തതും ഇതിനായിരുന്നു,
നിരാശനായതും.
--@--
പൊട്ടക്കിണറ്റിലെ തവള
പൊട്ടനാണന്നു കരുതരുത്.
സൂക്ഷിക്കുക,
ചിലപ്പോളത്
നമ്മുടെ ഉള്ളില് നിന്നും
പുറത്തു ചാടും.
.......o0o.............
നിനക്കായ് കരുതിയൊരീമുളം തണ്ടിനെ
മാറോടു ചേര്ത്തു ഞാനാശ്വസിച്ചീടവേ
എന്നനുരാഗ വിലോലമീ നാദങ്ങള്
എത്ര വിദൂരതരംഗത്തിന് തെന്നലായ്
രാത്രി നിലാവിലെ നേര്ത്ത കുളിര്കാറ്റില്
യാത്രയായ് ഇന്നുമീ കണ്ണുനീരെത്രയോ
ചേര്ത്തു പിടിച്ചെന്നെ ആശ്വസിപ്പിച്ചീടാന്
ചാരത്തു നിന്രാഗ സ്പര്ശനിശ്വാസങ്ങള്
മാനത്തെ മുകിലിനോടായിപ്പറയും ഞാന്
സ്നേഹം നിറഞ്ഞൊഴുകീടുമീ വേദന
അത്രമേലായി കവിഞ്ഞൊരി പ്രേമത്തിന്
തപ്ത നിശീഥമനന്തമാമെന് ഗാനം.
----oOo----
പാല്ക്കാരനും
പത്രക്കാരനും
ഉണര്ത്തിയില്ലെങ്കില്
സൂര്യനുദിക്കയില്ല.
ആ സമയങ്ങള്
കാണാത്തതുകോണ്ട്
ഈ നുണ
വിശ്വസിക്കും ഞാന്.
എന്റെ വിശ്വാസങ്ങളില്
വേറൊരാള് കൈവെക്കുമ്പോള്,
എന്റെ നുണയും
നിങ്ങള് വിശ്വസിക്കണം!
'അഛന് പറഞ്ഞാല്
നാളെ സൂര്യനുദിക്കില്ല,
പക്ഷെ ഒരിക്കലും
അഛനതു പറയില്ല..!'
കലാലയത്തിന്റെ
ചാരം മൂടിയ
ഇപ്പുറമിരിക്കുമ്പോള്
കൌതുകമടങ്ങില്ല.
മാനം കാണാതൊളിപ്പിച്ച
മയില്പ്പീലി തുണ്ടിനെ
ചെപ്പു തുറന്നൊന്നു
കാണാതെ വയ്യ !
കാഴ്ച്ചയുടെ
കാണാപ്പുറങ്ങളില്,
കാലം കോറിയ
വികല കൌതുകങ്ങള്.
അപ്പോഴും
ഉപ്പു പുരണ്ട
പീലിയിതളുകള്
പെറ്റു പെരുകാതെ...
വിശ്വാസം ഒരുനാള്
മതത്തിനേയും പേറി
ഒരു യാത്ര പോയി..
പലനാള് കഴിഞ്ഞ് മതം,
വിശ്വാസവും ചുമന്ന്
തിരിച്ചു വരുന്നതു കണ്ടു !
'പാരിലെ സുന്ദര
കാഴ്ച,
ദൂരെനിന്നെപ്പോഴും
മനോഹരം.
മലയില് സൂര്യന്
പൊങ്ങുന്നതും,
ചോരയായി
വെള്ളത്തിലലിയുന്നതും.
അങ്ങിനെയെന്തെല്ലാം..!
അകലം കുറയുമ്പോള്
മങ്ങും മാധുര്യം..
തെളിയും കാര്യങ്ങള്,
ഈ പച്ചയായ ജീവിതം..
.jpg){kind=link}
